नइ प्रकाशन
Nai Prakashan
»  नइ प्रकाशन गैरराजनीतिक साहित्यिक, सांस्कृतिक र सामाजिक संस्था हो ।   

विजयाश्रीको कविता

    वरदानका अनुभूतिहरू

   भगवान्ले सोधे
   शान्ति माग् 
   कलम मागेँ ।

   खुसी माग्,
   भावना मागेँ

   विश्राम माग्,
   खाली पाना मागेँ

   भगवानले फेरि सोधे
   जीवन माग्

   शब्द मागेँ

   भगवान्बाट पाएका
   सबै वरदान पोको पारी

   निलेँ मनभरि ।

   जब जब खोज्छु शान्ति, 
   खुसी, विश्राम
   अनि
   जीवनको अर्थ

   वरदानका अनुभूतिहरूलाई
   चुहाउँछु कवितामा
   थोपा थोपा गनेर
   शब्द शब्द केलाएर
   मन रमेको वेला पनि
   मन दुखेको वेला पनि ।

   वरदानका सुगन्धहरू
   आकाशभरि छरिए पनि

   धर्तीभरि पोखिए पनि
   अनभिज्ञ तिमी !
   बुझ्दै बुझ्दैनौ ।
   •••
विजयाश्रीको सङ्क्षिप्त परिचय

नाउँ
प्रा.डा. विजया पन्त
जन्म 
२०२२ असोज १ गते  
आठराई, चुहान्डाँडातेह्रथुम
शिक्षा
एम्एस्सी (त्रि.वि.), पिएच्डी (जापान)
प्राध्यापक
त्रिभुवन विश्वविद्यालय
कृति
 • वरदानका अनुभूित (कवितासङ्ग्रह (२०६८)
साथै विज्ञानबारे चार वटा ग्रन्थ र राष्ट्रिय र अन्तर्राष्ट्रिय प्रतिष्ठित जर्नलहरुमा एक सय वटाभन्दा धेरै अनुसन्धानात्मक लेख प्रकाशित ।